«Солтүстік Қазақстан кәсіптік-педагогикалық колледжі» КМҚ құзыреттілік орталығы базасында «Автомобиль көлігіне техникалық қызмет көрсету, жөндеу және пайдалану» мамандығы бойынша техникалық және кәсіптік білім беретін оқу орындарының өндірістік оқыту шеберлері мен арнайы пәндер оқытушылары арасында халықаралық конкурс өтті.

Конкурсқа қатысушылар кәсіптік оқыту саласындағы өз идеяларымен және жетістіктерімен бөлісті, теориялық тестілеуге қатысты, практикалық тапсырмаларды орындады.

Байқау үш кезеңде өтті:

-1-ші кезең — «Визит карточкасы», онда педагогикалық идеяның толық ашылуы, баяндаманың мазмұны, өзіндік ерекшелігі бағаланды;
-2-ші кезең — «Автомобильдерге техникалық қызмет көрсету» тақырыбы бойынша теориялық тестілеуді орындау;
-3-ші кезең — «KIA» жеңіл автокөлігінің компьютерлік диагностикасын жүргізу: FSA 740 диагностикалық кешенінің көмегімен бар ақауларды анықтау, оларды жою.

Біздің колледждің педагогтары халықаралық кәсіби конкурсқа қатысып, оның жүлдегерлері атанды.

2 дәрежелі Диплом алған Исенов Серік Сағантайұлын; конкурсқа сәтті қатысқан сертификат алған Степаненко Евгений Борисовичті құттықтаймыз!
Әрі қарай кәсіби жетістіктер мен тамаша жетістіктер тілейміз!