Колледжде Мемлекет Басшысы Қасым-Жомарт Тоқаевтың «Әділ Қазақстанның экономикалық бағыты» атты Қазақстан халқына Жолдауы ашық талқыланды.

Оқу орнының ұжымы ел Президентінің өз халқына Жолдауы мемлекетіміздің дамуының кезеңдік межесі және стратегиялық маңызды құжат болады деп есептейді.

Президент Жолдауына сәйкес, Қазақстанның экономикалық дамуының жаңа парадигмасы республиканың бәсекелестік артықшылықтарын тиімді пайдалануға, сондай — ақ өндірістің барлық негізгі факторлары-еңбек, капитал, ресурстар мен технологиялардың әлеуетін ашуға негізделетін болады.

Колледж оқытушылары отансүйгіштік, білімділік, еңбекқорлық, тәртіптілік, жауапкершілік және әділеттілік сияқты қасиеттер еліміздегі табысты әлеуметтік-экономикалық өзгерістерге ықпал ететінін атап өтті. Өйткені, осындай қасиеттері бар ұрпақ кез-келген ғылыми жаңалықтарға қол жеткізе алады.

Президент Жолдауында білім беру саласын дамытуға ерекше көңіл бөлінді. Мұғалімдерге Жас ұрпақты тәрбиелеу мен оқыту үшін ауыр жүк пен үлкен жауапкершілік жүктеледі. Президент мұғалімдер мен тәрбиешілердің жұмысын жеңілдету, оларды қағазбастылықтан арылту қажет деп санайды. 2025 жылға қарай еліміздегі жалпы білім беретін мекемелердің 90% — ы заманауи мектеп қағидатына көшуге тиіс. Жоғары білім беру гранттарының санын 30-дан 100% — ға дейін арттыру жоспарлануда. Студенттік жатақханаларға көп көңіл бөлу керек.

Ашық талқылау барысында оқу орнының оқытушылары Жолдауда қозғалған мәселелердің маңыздылығын атап өтті. Олар Президенттің білім беру саласындағы бастамаларын қолдауға дайын екендіктерін білдірді, бұл мұғалімдердің жұмысына үлкен серпін беретіні сөзсіз.