«Заң және тәртіп» айлығы аясында колледж студенттері арасында «Адал емес әрекетті жағдайлармен ақтауға бола ма?» тақырыбында пікірталас өтті. Сайысқа тарих пәнінің мұғалімі Шериева Дина Балғабайқызының жетекшілігімен № 101, 104, 106 топтарының студенттері қатысты.

Пікірталас командалық талқылау форматында өтті. «Қолдаймыз» командасы «адал емес әрекетті жағдайлармен ақтауға болады» ұстанымын қорғап, күрделі өмірлік жағдайларда адамның әрекеттерін бір мағыналы бағалауға болмайтынын дәлелдеді. «Қарсымыз» командасы «адалсыздық ешбір жағдайда жол берілмейді» деп, ешқандай жағдай адалсыздықты ақтай алмайтынын, себебі адамгершілік қағидаттары өзгеріссіз қалуы керек екенін айтты.

Дебаттар жарқын, эмоцияға толы, мазмұнды өтті. Студенттер ой жүгірту, өз позициясын дәлелдеу, көпшілік алдында сөйлеу дағдыларын, күрделі мәселелерді талдау және дербес қорытындылар жасау қабілеттерін көрсетті.
Сайыс қорытындысы бойынша № 101 топ командасы көбірек сенімділік танытты.

Дебат қатысушыларына алғыс айтамыз: № 104 топ — Мағзомғалиев Артем, Бейнерт Александр, Писаревский Тимур; № 101 топ — Галиева Арина, Бондаренко Анастасия, Капачинских Варвара; № 106 топ — Рутковский Егор, Тәжіденов Асқар, адам өміріндегі адалдықтың маңыздылығы туралы өз көзқарастарын білдіру және қорғау қабілеттері үшін.