Петропавл қаласында экскурсиялық туризм нарығында сапалы туристік өнімді құру мақсатында Солтүстік Қазақстан облысы бойынша туристік қауымдастық «Петропавл туристің көзімен» облыстық конкурсын өткізді.

Облыстық байқауға қала мектептерінің оқушылары, Kozybayev University студенттері және гуманитарлық-техникалық колледж студенттері белсенді қатысты.

Командалар өз жобаларын екі номинация бойынша ұсынды: «Петропавл бойынша демалыс Туры» және «Петропавл бойынша Виртуалды тур». «Петропавлдан виртуалды тур» номинациясы бойынша гуманитарлық-техникалық колледж студенттерінің «Қос соққы» командасы, «Туризм» мамандығы жеңімпаз атанды. Құзыретті қазылар алқасы «Қос соққы» командасының практикалық экскурсиялық жобасының мазмұнын «өте жақсы» деп бағалап, Петропавл қаласының мәдени-тарихи мұрасын зерделеуге және сақтауға қосқан ерекше үлесін атап өтті.

Байқау жеңімпаздары Солтүстік Қазақстан облысы бойынша туристік қауымдастық, Солтүстік Қазақстан облысы Рестораторлар мен қонақүйлер қауымдастығы, сондай-ақ Солтүстік Қазақстан облысы әкімдігінің Кәсіпкерлік және индустриялық-инновациялық даму басқармасы ұсынған дипломдар мен естелік сыйлықтарға ие болды.

Біздің колледж студенттерінің командасын және оның жетекшісі Олесиюк Мария Михайловнаны лайықты жеңісімен құттықтаймыз!